2017年5月22日 星期一

dermes vs Medilase 永久激光脫毛中心比較。試過先識揀

永久激光脫毛去邊間做好? 各位sis一諗到呢個問題一定頭都痛,市面上咁多間,A君話A 美容院好,B 君話C 美容院好,好似買衫咁,花多眼亂。其實只要問問自己想要咩效果,咩服務,就好易揀到架啦! 我就以脫毛儀器、脫毛手法、service、試做效果、公司信譽同顧客數目比較2間知名度最高嘅激光脫毛中心,dermes同Medilase~

dermes vs Medilase Round 1: 脫毛儀器 & 手法

dermes用Cynosure Apogee+,而Medilase 用CANDELA GentleLase ProTM,兩間都係用755波長,但機頭就好唔同啦~ dermes 用12mm 極細機頭,賣點係以極細機頭配合專業治療師嘅手勢,每下90度直角準確咁打落每吋肌膚,覆蓋每個細微位置,同時避免因為機頭太大,重覆打錯同一個位置而有可能造成嘅灼傷。dermes 嘅脫毛做1次就可以除去20%毛毛,一般做6次已經可以根除哂好明顯嘅深色毛毛。至於 Medilase 用嘅係 24mm 機頭,賣點係可以勁快咁做完一次療程,聲稱做3-4次就見效。但其實24mm 機頭好容易會打漏毛毛,因為每打一下激光之間造成嘅空隙太大,打唔到嘅位置太多,但如果打太密,又會容易重覆打到同一個位置,造成灼傷,如果做上唇位嘅話,24mm 機頭就真係會太大啦~ 再者,Medilase 以快為賣點,所以做嘅時候未必會好仔細咁打每一下,可能掃過就算,咁就算打咗激光,毛毛都會吸收唔到,打咗同冇打一樣。

 
dermes vs Medilase Round 2: 服務 & 試做效果














服務方面,Medilase 同dermes 嘅staff 都好友善,始終都是以客為本的生意~ 我去dermes 試做時,治療師俾我感覺好專業,佢地講解咗好多關於脫毛及脫毛方法嘅野,試做前治療師好詳盡咁講解整個療程,而且會做spot test,試清楚邊一種能量度數最適合皮膚,達到最佳脫毛效果,而做完療程之後,治療師仲會講要點樣護膚等等,所以我好清楚點樣令脫毛後效果更加好。最重要嘅係,脫完一次之後,皮膚真係白滑咗,隔咗3個幾星期先生番毛毛,而且毛毛明顯少左同幼左,所以我相信佢話做1次可以脫走20%毛毛。至於我去 Medilase 試做時,sell味較重,顧問推介好多即join優惠,例如轉會優惠學生優惠… 我自己唔太buy呢類~! (其實我都唔係學生,唔係好明做咩會同我講) 我話想試咗先,考慮吓再join,顧問就叫治療師幫我試做,最令我驚訝係試做嘅時候,治療師只係打咗幾下,就完咗@0@ 我當時都呆咗,做完之後我都唔肯定打咗邊個位,毛毛都冇少過,所以睇唔到效果係點。原本以為我話要考慮,咁試做完就可以離開,點知試做完個顧問仲同我講咗好耐,叫我快啲join,我再講多幾次想考慮吓佢都唔聽,搞到坐咗成個鐘,最後個顧問塊面仲黑哂,諗起都怕怕…

dermes vs Medilase Round 3: 公司信譽 & 客人數目

dermes成立近17年,總公司就係 Neo Derm Group,咁多年來有好多星級用家嘅永久見證,劉心悠就已經做咗10年咁耐,皮膚白滑效果keep到10年,真係好勁~ 除咗星級用家,累積嘅用戶已經有13萬人,實力有番咁上下。而Medilase 2013年先成立,係近年冒起較快嘅激光脫毛公司,有謝婷婷代言,同埋20萬網上正評,但就冇真實用家數目,如果只計正評就有少少唔夠可靠,始終公司先開咗幾年,都未知效果可唔可以last咁耐,我就會持觀望態度。
不過我又有幾年可以等? 早靚早享受呀嘛,緊係要揀間已經有保證嘅脫毛中心脫咗毛毛先啦~ 希望我呢個比較都幫到大家揀間適合自己嘅脫毛中心啦~ 大家可以登記試做先,試清楚個療程服務適唔適合自己~ 而家登記試做dermes仲有bioderma送,幾抵試 >W<

dermes: http://www.dermes.com.hk/tc/promotion/DSELA0915A?ref=DBLOA0716H
Medilase: http://www.medilase.com.hk/%E6%BF%80%E5%85%89%E8%84%AB%E6%AF%9Bmedilaseprou/201510_besexypromo-mainsite/

轉載自: http://blogs.elle.com.hk/katybot02/2016/10/04/dermes-vs-medilase-永久激光脫毛中心比較。試過先識揀/